Дар ҷаласа ба кормандони сохторҳои қудратӣ ва мақомоти ҳифзи ҳуқуқи ҷумҳурӣ даъват карда шуд, ки ба иҷрои вазифаҳои касбӣ ва хидматии худ диққати махсус диҳанд. Аз онҳо ҳушерӣ ва омодагӣ барои саҳмгузорӣ дар таъмини амнияти давлат ва мардум, ҳифзи сулҳу субот ва ҳифзи марзҳои Ватан интизор аст.
Намояндагони ситоди генералии қувваҳои Мусаллаҳи Тоҷикистон зимни суханронӣ дар ҷаласа аҳамияти раванди даъват намудани шаҳрвандонро ба хизмати ҳарбӣ таъкид намуданд. Онҳо изҳор доштанд, ки мақомоти давлатии масъули даъват ва дигар муассисаҳои марбут ба ин чорабинии муҳими иҷтимоию сиесӣ бояд кор ва фаъолияти комиссияҳои даъватиро тибқи дастуру супоришҳои роҳбарияти мамлакат ва қонунҳои амалкунандаи соҳа ба роҳ монанд.
Илова бар ин, қайд карда шуд, ки барои самараноктар ва босифаттар гузаронидани даъвати тирамоҳии шаҳрвандон муносибати ҷиддӣ ба хизмати ҳарбӣ зарур аст.
Ҳангоми муҳокимаи масъалаҳои марбут ба баргузории маҷлисҳо оид ба мудофиаи ҳудудӣ ва тайер кардани захираҳои сафарбаркунӣ, аҳамияти ҳамоҳангсозии сохторҳои дахлдор дар таъмин ва омӯзиши ҳамаҷонибаи ин захираҳо эътироф карда шуд.
Ба иштирокчиени маҷлис супориш дода шуд, ки маҷлисҳо ва чорабиниҳои нақшавиро дар сатҳи баланд баргузор кунанд.
АМИТ «Ховар» бо истинод ба Вазорати мудофиаи Ҷумҳурии Тоҷикистон хабар медиҳад.
Акс: Министерство обороны Республики Таджикистан
