Дар давраи аз 29 сентябр то 5 октябри соли 2024 дар шаҳри Бустони Вилояти Суғди Ҷумҳурии Тоҷикистон вохӯрии навбатии гурӯҳҳои кории топографӣ ва гурӯҳҳои корӣ оид ба масъалаҳои ҳуқуқӣ, ки ҳайатҳои ҳукуматии Тоҷикистону Қирғизистонро намояндагӣ мекунанд, баргузор гардид. Мақсади асосии мулоқот муҳокимаи делимитатсия ва демаркатсияи сарҳади давлатии тоҷикистону қирғизистон буд.
Ҷонибҳо ба мувофиқа расиданд, ки кори тавсифи қитъаҳои боқимондаро дар вохӯрии навбатӣ, ки дар қаламрави Ҷумҳурии Қирғизистон баргузор мешавад, идома диҳанд.
Дар натиҷаи мулоқот протоколи дахлдор ба имзо расид.
Вохӯрӣ дар фазои дӯстона ва ҳамдигарфаҳмӣ баргузор гардид.
Дар ин бора ба АМИТ «Ховар» бо истинод ба Кумитаи давлатии амнияти миллии Ҷумҳурии Тоҷикистон хабар медиҳад.
Акс: АМИТ «Ховар»
