Имрӯз, 1 октябр дар Душанбе қуръакашии деринтизори ҷоми ҷаҳонии дзюдо байни наврасон баргузор мешавад.
Дар айни замон 534 варзишгар аз 67 кишвари ҷаҳон барои иштирок дар ин чорабинии муҳим ариза пешниҳод кардаанд. Ин аввалин Чемпионати ҷаҳон оид ба дзюдо байни наврасон дар таърихи варзиши тоҷикистон аст, ки аз 2 то 6 октябр баргузор мешавад.
Тибқи Иттилои Федератсияи дзюдои Тоҷикистон, кишвари моро дар чемпионати хонагӣ 24 варзишгар — 17 ҷавонписар ва 7 духтар намояндагӣ мекунанд.
Ғолибон ва ҷоизадорон бо мукофотҳои пулӣ мукофотонида мешаванд: барои ҷои аввал 2500 евро, барои ҷои дуюм 1500 евро, барои ҷои сеюм 850 евро.
АМИТ Ховар бо истинод ба федератсияи байналмилалии дзюдо хабар медиҳад.
Акс: аз манбаъҳои кушода
