27 сентябри соли 2024 дар майдонҳои сессияи 79-уми Ассамблеяи Генералии СММ дар Ню-Йорк Вазири Корҳои Хориҷӣ Сироҷиддин Муҳриддин бо Вазири Корҳои Хориҷии Ҷумҳурии Озарбойҷон Ҷейҳун Байрамов мулоқот кард.
Дар ҷараени мулоқот ҷонибҳо вазъи кунунӣ ва дурнамои маҷмӯи муносибатҳои ду кишварро дар соҳаҳои гуногун, аз ҷумла масъалаҳои соҳаҳои тиҷоративу иқтисодӣ, фарҳангӣ ва гуманитарӣ баррасӣ намуданд.
Ҳангоми муҳокимаи масъалаҳои ҳамкорӣ дар доираи созмонҳои байналмилалӣ ҷонибҳо таҷрибаи мусбати дастгирии мунтазами ташаббусҳои якдигарро, аз ҷумла оид ба масъалаҳои об ва иқлим дар арсаи байналмилалиро қайд карданд.
Дар ин бора Вазорати корҳои хориҷии Ҷумҳурии Тоҷикистон хабар дод.
Акс: ВКД ҶТ
