Корхонаи воҳиди давлатии «Тоҷикаэронавигация» дар ҳамкорӣ бо маркази илмии ҷумҳуриявии хуни Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аксияи «Рӯзи донор» – ро ташкил намуд, ки дар он кормандони корхона фаъолона иштирок намуданд.
Ба гуфтаи мутахассисон, шахсони аз 18 то 65-сола метавонанд донор шаванд ва тарзи ҳаети солим дошта бошанд. Дар аксари кишварҳои ҷаҳон додани хун ба як амали маъмулӣ табдил ефтааст. Имрӯз Сокинони Тоҷикистон, бахусус ҷавонон, аз аҳамият ва зарурати хайрия огоҳ буда, бо ҳисси масъулият ба хун супоридан меоянд.
Тибқи Қонуни Ҷумҳурии Тоҷикистон «Дар Бораи донории хун ва ҷузъҳои он» барои донори Фахрӣ шудан, занон бояд 15 литр хун ва мардон 20 литр хун супоранд. Донорҳои фахрӣ имтиезҳои зиеде доранд: 10% афзоиши нафақа, сафари ройгон дар нақлиети ҷамъиятӣ, муоинаи тиббии ройгон, 50% тахфиф барои хариди доруҳо ва якчанд намуди хизматрасониҳои тиббӣ.
НИАТ «Ховар» бо истинод ба «Тоҷикаэронавигация» хабар медиҳад.
Акс: Корхонаи воҳиди давлатии «Тоҷикаэронавигация»
