19 сентябри соли 2024 бо ташаббуси намояндагиҳои дипломатии давлатҳои форсизабон Афғонистон, Тоҷикистон ва Эрон дар ҳамкорӣ бо маҷаллаи дипломатии «Society Magazine» як рӯйдоди муҳими фарҳангӣ баргузор шуд.
Мавзӯи чорабинӣ: «Ҷалол додани мерос: Ҷашни мероси фарҳангии кишварҳои форсизабон». Дар ин чорабинии фарҳангӣ намояндагони муассисаҳои расмии Австрия, намояндагиҳои дипломатӣ, инчунин созмонҳои байналмилалӣ ва минтақавӣ, ки дар Вена ҷойгиранд, иштирок карданд.
Дар маросими ифтитоҳ Сафири Фавқулодда ва Ваколатдори Ҷумҳурии Тоҷикистон дар Австрия Идибек Каландар меҳмононро истиқбол намуда, дар бораи таърих ва фарҳанги мардуми тоҷик, инчунин едгориҳое, ки ба рӯйхати мероси ҷаҳонии модди ва ғайримоддии ЮНЕСКО дохил шудаанд, нақл кард.
Дар ин бора Вазорати корҳои хориҷии Ҷумҳурии Тоҷикистон хабар дод.
Акс: ВКД ҶТ
