Дар прокуратураи Генералии ҳарбии Ҷумҳурии Тоҷикистон ҷаласаи васеи коллегия бо иштироки роҳбарони масъули сохторҳои қудратӣ, мақомоти давлатии масъули даъват, комиссарони ҳарбӣ ва дигар шахсони мансабдори қисмҳои ҳарбӣ баргузор гардид.
Мақсади маҷлис муҳокимаи масъалаҳои иҷрои талаботи қонунгузорӣ дар соҳаи даъват кардани шаҳрвандон ба хизмати ҳарбӣ буд. Аз ҷумла, масъалаҳои марбут ба даъвати баҳорӣ, инчунин ташкил ва гузаронидани даъвати тирамоҳӣ, ки 1 октябр оғоз меебад, баррасӣ карда шуданд.
Қайд карда шуд, ки ҳар сол раванди даъват дар сатҳи баланд амалӣ карда мешавад. Шумораи ҷавононе, ки ихтиеран хизмат кардан мехоҳанд, меафзояд ва нақшаи даъват иҷро карда мешавад. Бо вуҷуди ин, дар баъзе ҳолатҳо комиссияҳои даъватӣ ба ҳуқуқвайронкуниҳо роҳ медиҳанд, ки барои пешгирӣ ва бартараф кардани онҳо чораҳои дахлдор андешида шудаанд.
Ба масъулони мақомоти давлатии масъули даъват супориш дода шуд, ки тибқи талаботи қонунҳо ва фармони Президенти Ҷумҳурии Тоҷикистон «дар бораи ба захира озод намудани хизматчиени ҳарбие, ки мӯҳлати хизмати ҳарбиро адо кардаанд ва даъвати навбатии шаҳрвандони Ҷумҳурии Тоҷикистон аз соли таваллуди 1997-2006 ба хизмати ҳарбӣ» даъвати навбатӣ ташкил намоянд.
АМИТ «Ховар» бо истинод ба Вазорати мудофиаи ҶТ хабар медиҳад.
Акс: Министерство обороны Республики Таджикистан
