18 сентябр ҷаласаи панҷуми кумитаи муштараки ҳамоҳангсозӣ оид ба «Лоиҳаи рушди иқтидор барои ҷорӣ намудани PBN (Навигатсия дар асоси хусусиятҳо) дар Ҷумҳурии Тоҷикистон» баргузор гардид.
Иштирокчиени ҷаласа натиҷаҳои татбиқи лоиҳаро дар давраи аз июли соли 2023 то августи соли 2024 муҳокима карданд. Нақшаи чорабиниҳои минбаъда, ки бояд пеш аз ба итмом расидани лоиҳа гузаронида шаванд, мувофиқа карда шуд ва инчунин қарор қабул карда шуд, ки мӯҳлати он тамдид карда шавад.
Лоиҳа барои он таҳия шудааст, ки сатҳи хизматрасонии аэронавигатсионӣ дар Тоҷикистон ба стандартҳои байналмилалӣ ҷавобгӯ бошад. Дар айни замон татбиқи лоиҳаи дуюм идома дорад, ки ба такмили конфигуратсияи фазои ҳавоӣ, васеъ кардани дастрасии минтақавӣ ва ҳамгироӣ дар соҳаи пешниҳоди хидматҳои аэронавигатсионӣ, инчунин баланд бардоштани сатҳи бехатарии парвозҳо ва сифати хидматрасонии аэронавигатсионӣ равона шудааст.
АМИТ «Ховар» бо истинод ба корхонаи воҳиди давлатии Тоҷикаэронавигация хабар медиҳад.
Акс: Корхонаи воҳиди давлатии «Тоҷикаэронавигация»
