Игор Краснов, прокурори генералии Федератсияи Русия, аҳамияти густариши ҳамкорӣ бо Тоҷикистонро дар соҳаи муқовимат ба терроризм таъкид кард.
Зимни мулоқот бо Раҳмон Юсуф Аҳмадзод, прокурори генералии Тоҷикистон, Краснов гуфт: «ман бо мавқеи шумо дар бораи зарурати муттаҳид кардани талошҳо барои мубориза бо амалҳои террористӣ комилан розӣ ҳастам. Бояд ҳамкории байнидавлатиро амиқтар кард, алахусус дар соҳаи амалиети муштарак барои пешгирии ҷалби ҷавонон ба сафи радикалҳо».
Краснов изҳори боварӣ кард, ки барномаи нави ҳамкорӣ, ки 19 сентябр аз ҷониби прокуратураҳои генералии ду кишвар имзо шудааст, қадами муҳим дар роҳи расидан ба ин ҳадаф хоҳад буд.
Тибқи барнома, дар соли 2025 машваратҳо оид ба ҳифзи ҳуқуқҳои категорияҳои аз ҷиҳати иҷтимоӣ осебпазири шаҳрвандон, инчунин мизи мудаввар дар мавзӯи «Муқовимат ба терроризм ва экстремизм», ки дар он намояндагони Эрон иштирок мекунанд, ба нақша гирифта шудаанд.
Соли 2026 идораҳо нақша доранд, ки дар соҳаи назорати иҷрои қонунҳо дар соҳаи нақлиет ва гумрук таҷриба мубодила кунанд. Дар доираи мизи мудаввар масъалаҳои муқовимат ба ҷиноятҳо дар соҳаҳои андоз, молиявӣ ва бонкӣ баррасӣ карда мешаванд.
ТАСС хабар медихад.
Акс: аз манбаъҳои кушода
