Дар шаҳри Сочи, Федератсияи Русия, олимпиадаи кушоди ҷаҳонӣ оид ба астрономия (OWAO) баргузор мешавад. Дар ин чорабинии ҷолиб хонандагони мактабҳои Тоҷикистон иштирок мекунанд.
Олимпиада дар чор бахш: мушоҳида, амалӣ, назариявӣ ва тестӣ ташкил карда шудааст. Он то 22 сентябр давом мекунад.
Аз Ҷумҳурии Тоҷикистон дар ин олимпиада се хонандаи синфи 11-И Литсей барои омӯзгорони болаеқати шаҳри Душанбе: Ҳусандҷон Салимов,Ҳусейн Гуломзода ва Сайида Абдухамидова Иштирок мекунанд
Ҳангоми ифтитоҳи олимпиада дар маркази «Сириус» дастаи Тоҷикистон намояндагӣ кард ва дар ин маркази бузурги илмӣ парчами Давлатии Ҷумҳурӣ бардошта шуд.
Едовар мешавем, ки 26 декабри соли 2019 Президенти Ҷумҳурии Тоҷикистон Муҳтарам Эмомалӣ Раҳмон дар паеми худ ба Маҷлиси Олии Ҷумҳурӣ пешниҳод карданд, ки давраи аз Соли 2020 То 2040-Ро «Бистсолагии омӯзиш ва рушди илмҳои табиӣ, дақиқ ва математикӣ дар соҳаи илму маориф» эълон намоянд. Ин пешниҳод ба такмили минбаъдаи омӯзиши фанҳои табиӣ, дақиқ ва математикӣ, инчунин рушди тафаккури техникӣ дар насли ҷавон равона карда шуд.
Дар солҳои охир таваҷҷӯҳи ҷавонон ба илмҳои дақиқ, хусусан физика ва математика, хеле афзудааст, ки ин бо афзоиши шумораи иштирокчиен дар олимпиадаҳои байналмилалӣ тасдиқ карда мешавад.
АМИТ Ховар бо истинод ба маркази Матбуотии Вазорати маориф ва илми Ҷумҳурии Тоҷикистон хабар медиҳад.
АКС: маркази Матбуотии Вазорати маориф ва илми Ҷумҳурии Тоҷикистон
