17 сентябр Президенти Тоҷикистон, Пешвои миллат Муҳтарам Эмомалӣ Раҳмон барои иштирок дар мулоқоти сарони давлатҳои Осиеи Марказӣ — Ҷумҳурии Федеративии Олмон ба Остонаи Қазоқистон ташриф оварданд.
Дар фурудгоҳи байналмилалии ба номи Нурсултон Назарбоев меҳмони баландпояро сарвазири Қазоқистон Олжас Бектенов ва дигар шахсони расмӣ самимона пешвоз гирифтанд.
Ба ифтихори президенти Тоҷикистон майдони фурудгоҳ бо парчамҳои давлатӣ оро дода шуда, инчунин посбонии фахрӣ сохта шуд.
Дар ин бора АМИТ «Ховар» хабар дод.
Акс: АМИТ «Ховар»
