Дар мулоқоти ҳайатҳои Тоҷикистону Русия таҳкими ҳамкориҳо миени вилояти Суғди Тоҷикистон ва вилояти Рязани Русия баррасӣ шуд.
Зикр гардид, ки дар вилояти Суғд барои сармоягузорӣ шароити мусоид фароҳам оварда шуда, аллакай даҳҳо корхонаҳои муштарак фаъолият доранд.
Ҳамчунин зикр гардид, ки дар доираи солҳои эълоншудаи рушди саноат дар Тоҷикистон дар вилояти Суғд ба бунеди корхонаҳои нави истеҳсолӣ, зиед намудани ҳаҷми маҳсулоти истеҳсолшуда, таъсиси ҷойҳои нави корӣ ва албатта ҷалби сармоя таваҷҷуҳи зиед зоҳир карда мешавад.
Дар рафти вохӯрӣ оид ба азхудкунии замин барои бунеди боғҳои пуршиддат ва гармхонаҳои замонавӣ, ташкили корхонаҳои коркарди мева, пахта ва истеҳсоли матоъҳои пахтагӣ, коркарди пӯст ва истеҳсоли пойафзол, инчунин истеҳсоли доруҳои тиббӣ бо истифода аз растаниҳои шифобахши зодаи Тоҷикистон пешниҳодҳо пешниҳод карда шуданд.
Дар ин бора АМИТ «Ховар» бо такя ба дафтари матбуоти раиси вилояти Суғд хабар медиҳад.
Акс: аз манбаъҳои кушода
