Рӯзномаи таблоиди The Mirror рӯзи 14 сентябр хабар дод, ки Ҳамза бен Лоден, писари Усома бен Лоден, асосгузори созмони террористии «Ал-Қоида» зинда аст ва ният дорад, ки кори падарашро идома диҳад.
Пештар, дар соли 2019, президенти собиқи ИМА Доналд Трамп эълон кард, ки Ҳамза бен Лоденро аз байн мебарад. Аммо маълумоти нави иктишофӣ нишон медиҳад, ки ӯ ҳанӯз зинда аст ва дар шаҳри Ҷалолободи афғонистон, ки 150 километр дуртар аз Кобул воқеъ аст, ҷойгир аст.
Тибқи иттилои рӯзнома, Ҳамза бен Лоден дар якҷоягӣ бо бародараш Абдулло даҳ лагери «Ал-Қоида» – ро таъсис доданд, ки дар он террористон омода карда мешаванд. Ҳамчунин хабар дода мешавад, Ки Ҳамза бо ҳаракати «Толибон», ки таҳти таҳримҳои СММ барои фаъолияти террористӣ қарор дорад, робита дорад.
Муаллифони мавод аз эҳтимоли ҳамлаи нав дар сабки ҳодисаҳои 11 сентябр ба кишварҳои Ғарб изҳори нигаронӣ мекунанд.
Акс: аз манбаъҳои кушода
