13 сентябри соли 2024 дар Душанбе байни вазоратҳои корҳои хориҷии Тоҷикистон ва Арманистон машваратҳо баргузор шуданд. Дар онҳо масъалаҳои рушди муносибатҳои дуҷониба, ҳамкорӣ дар доираи ташкилотҳои минтақавӣ, инчунин такмили заминаи шартномавӣ-ҳуқуқӣ муҳокима карда шуданд.
Машваратҳо дар сатҳи роҳбарони воҳидҳои сохтории идораҳои сиесати хориҷии ҳарду кишвар баргузор шуданд. Дар ҷараени мулоқот масъалаҳои мубрами рушди минбаъдаи муносибатҳои Тоҷикистону Арманистон дар соҳаҳои сиесӣ, тиҷоратию иқтисодӣ ва фарҳангию гуманитарӣ муфассал баррасӣ шуданд. Ҳамчунин табодули таҷриба дар соҳаи кори ҳуқуқии вазорати корҳои хориҷӣ сурат гирифт.
Дар ин бора Вазорати корҳои хориҷии Ҷумҳурии Тоҷикистон хабар дод.
Акс: ВКД ҶТ
