12 сентябри соли 2024 дар остонаи рӯзи кормандони хадамоти дипломатии Ҷумҳурии Тоҷикистон дар варзишгоҳи Вазорати Корҳои Хориҷӣ байни кормандони идора ва намояндагони дипломатии дар Душанбе аккредитатсияшуда мусобиқаи дӯстонаи футбол баргузор гардид.
Мусобиқа бо мақсади дастгирии ташаббуси байналмилалии Президенти Ассотсиатсияи футболи Осиеи Марказӣ (CAFA) ва Президенти Федератсияи футболи Тоҷикистон муҳтарам Рустам Эмомалӣ, ки тавассути қатъномаи Ассамблеяи Генералии СММ қабул шудааст, ташкил карда шуд. Ин ташаббус ба эълони рӯзи ҷаҳонии футбол нигаронида шудааст.
Инчунин, мусобиқа ба 33-солагии истиқлолияти Давлатии Ҷумҳурии Тоҷикистон бахшида шуд.
Дар ин бора Вазорати корҳои хориҷии Ҷумҳурии Тоҷикистон хабар дод.
Акс: ВКД ҶТ
