12 сентябр Президенти Тоҷикистон, Пешвои миллат Муҳтарам Эмомалӣ Раҳмон бо сафари корӣ ба ноҳияи Вахш омаданд.
Аввалин нуқтаи сафари ӯ шиносоӣ бо лоиҳаи сохтмони Қасри фарҳанг дар ноҳия буд. Фармоишгари лоиҳа муассисаи Давлатии «Дирексияи сохтмони иншооти ҳукуматӣ» дар назди дастгоҳи Иҷроияи Президенти Ҷумҳурии Тоҷикистон мебошад ва лоиҳа аз ҷониби ҷамъияти Саҳомии Кушодаи «САНИИОСП» таҳия шудааст.
Бинои қасри фарҳанг дуошена хоҳад буд. Корҳои сохтмониро дар иншоот Ҷамъияти дорои масъулияти маҳдуди «Осим иншоот» иҷро мекунад.
Бино барои кормандони соҳа тамоми шароити заруриро фароҳам меорад. Он толори чорабиниҳои фарҳангӣ, ҳуҷраҳои корӣ ва дигар биноҳоро дар бар мегирад.
Президенти Ҷумҳурии Тоҷикистон Муҳтарам Эмомалӣ Раҳмон бо лоиҳа шинос шуда, ба масъулин ҷиҳати иҷрои босифати корҳо ва ба итмом расонидани сохтмон дар мӯҳлат супоришҳои мушаххас доданд.
Тибқи нақша, иншооти нави соҳаи фарҳанг дар ноҳияи Луж дар арафаи 35-солагии истиқлолияти Давлатии Ҷумҳурии Тоҷикистон ба истифода дода мешавад.
Дар ин бора АМИТ «Ховар» хабар дод.
Акс: АМИТ «Ховар»
