Аз 1 то 3 октябри соли 2024 дар шаҳри Истаравшани вилояти Суғд нахустин фестивали байналмилалии ҳунарҳо бо номи «Озар» баргузор мешавад. Дар фестивал 20 намояндаи раесати шӯрои умумиҷаҳонии ҳунармандон, зиеда аз 40 ҳунарманди кишварҳои аъзои Шӯро, инчунин 80 ҳунарманди Истаравшан ва дигар шаҳру ноҳияҳои Тоҷикистон иштирок мекунанд.
Дар доираи фестивал намоишгоҳи маҳсулоти ҳунармандон аз кишварҳои гуногун ва инчунин устодони маҳаллӣ ташкил карда мешавад. Иштирокчиен ба муҷассамаи Шоҳ Исмоили Сомонӣ гул мегузоранд, ба шаҳри Истаравшан Ҳамчун «шаҳри ҷаҳонии ҳунарҳо» шаҳодатнома мегиранд. Ғайр аз он, онҳо метавонанд бо ҷойҳои таърихӣ ва дӯконҳои ҳунармандии шаҳр, инчунин коллеҷи Ҷумҳуриявии ҳунарҳои мардумӣ шинос шаванд.
Имрӯз аввалин ҷаласаи кумитаи ташкилии фестивал баргузор шуд, ки дар он рамзи чорабинӣ тасдиқ карда шуд. Ин рамз дар ҳама маводҳои расмии марбут ба фестивал истифода мешавад.
Рамзи фестивал ситораи ҳаштгонаи дурахшон аст, ки маънои Истаравшанро ифода мекунад. Дар атрофи ситора арабеска ҳунарҳои қадимаи устодони шаҳр нақш баста шудааст. Дар қисми болоии рамз тасвири «Қалъаи Муг тасвир шудааст ва дар маркази он калимаҳои «Ozar» ва «Istaravshan» бо ҳарфҳои лотинӣ навишта шудаанд, ки бо номи фестивал ва ҷои баргузории он алоқаманд аст.
Инчунин дар маркази рамз корд ва дар кунҷи поении рост рамзи арии чорранг дар шакли чархи гардишкунанда тасвир шудааст. Дар зери ситораи ҳашткунҷа бо ҳарфҳои лотинӣ бо забони англисӣ «INTERNATIONAL FESTIVAL OF CRAFTS” навишта шудааст. ISTARAVSHAN-2024». Дар ҳолати зарурӣ ин матн бо забонҳои тоҷикӣ ва русӣ истифода мешавад.
Дар ин бора АМИТ «Ховар» бо такя ба дафтари матбуоти раиси вилояти Суғд хабар медиҳад.
Акс: Пресс-служба председателя Согдийской области
