«Дар тӯли солҳои соҳибистиқлолӣ Тоҷикистон дар арсаи ҷаҳонӣ ҷойгоҳи арзанда гирифта, дар ҳалли масъалаҳои глобалӣ, аз қабили масъалаҳои об ва иқлим саҳми назаррас гузоштааст. Кишвари мо ҳамчун шарики ташаббускор ва рушдефта эътироф шудааст», — президенти Ҷумҳурии Тоҷикистон муҳтарам Эмомалӣ Раҳмон дар паеми табрикотии худ ба муносибати 33-умин солгарди истиқлолият зикр намуданд.
Ба гуфтаи сарвари давлат, имрӯз на танҳо нақши Тоҷикистон эътироф карда мешавад, балки иштироки фаъолонаи он дар ташаббусҳои байналмилалӣ низ дастгирӣ карда мешавад.
Дар солҳои истиқлолият ба рушди илму маориф, тандурустӣ ва ҳифзи иҷтимоии аҳолӣ, инчунин ҳифз ва рушди фарҳанги миллӣ диққати махсус дода мешуд. Дар ин соҳаҳо муваффақиятҳои назаррас ба даст оварда шуданд.
«Дар давраи истиқлолият тамоми имконот ва захираҳо ба таъмини рушди устувори иҷтимоию иқтисодӣ ва баланд бардоштани сатҳи зиндагии мардум равона карда шуданд», — Президенти Ҷумҳурии Тоҷикистон Муҳтарам Эмомалӣ Раҳмон таъкид намуданд.
Дар ин бора АМИТ «Ховар» хабар дод.
Акс: аз архив
