Дар Кения дар хобгоҳи мактаб сӯхтор рух дод, ки дар натиҷа 18 кӯдак кушта ва тақрибан 70 нафар бедарак шуданд. Дар ин бора хабаргузории Associated Press хабар медиҳад.
Тибқи иттилои оҷонсӣ, сӯхтор дар мактаби ибтидоии Ҳиллсайд Эндораш шаби панҷшанбе рух додааст. 18 писари аз 10 то 14-сола кушта ва 27 нафарашон дар беморхона бистарӣ шуданд. Дар айни замон 70 нафар гумшуда ҳисобида мешаванд.
Барои муайян кардани шумораи дақиқи кушташудагон ташхиси ДНК гузаронида мешавад. Президенти Кения Уилям Руто дар робита ба ин фоҷиа дар кишвар се рӯзи мотам эълон кард. Сабабҳои сӯхтор ҳанӯз маълум нест.
Акс: аз манбаъҳои кушода
