Дар ҷараени форуми сармоягузории Қазоқистон ва Тоҷикистон, ки дар Душанбе баргузор мешавад, ширкатҳои ду кишвар ба нақша гирифтаанд, ки ба маблағи беш аз 1 миллиард доллар созишномаҳои ҳамкорӣ ба имзо расонанд. Дар ин бора муовини аввали сарвазири Қазоқистон Роман Скляр хабар дод.
«Дар доираи форуми мо имзои як қатор ҳуҷҷатҳо ба маблағи беш аз 1 миллиард доллар ба нақша гирифта шудааст, ки дар асоси онҳо ҳамкорӣ дар лоиҳаҳои гуногун амалӣ карда мешавад», — вай дар суханронӣ дар форум гуфт.
Вазири саноат ва технологияҳои нави Тоҷикистон Шералӣ Кабир ҳамчунин аҳамияти ҳамкориҳои байни кишварҳоро дар соҳаи коркарди металл қайд кард. Вай таъкид кард, ки яке аз самтҳои асосии рушди муносибатҳои тиҷоративу иқтисодии байни Қазоқистон ва Тоҷикистон ширкатҳои Талко ва ERG мебошад.
«Мо боварӣ дорем, ки амалҳои минбаъдаи ин ширкатҳо ба беҳтар шудани муносибатҳои тиҷоративу иқтисодии мо мусоидат хоҳанд кард», — Шерали Кабир гуфт.
Вазир инчунин қайд кард, ки Тоҷикистон ба ҳамкорӣ бо Қазоқистон дар соҳаҳои дигар, аз қабили сохтмони корхонаи истеҳсоли хӯлаҳои феррӣ, трансформаторҳо, таҷҳизоти рентгенӣ барои муассисаҳои тиббӣ, консервҳои сабзавот ва коркарди пӯст манфиатдор аст.
ТАСС хабар медихад.
Акс: аз манбаъҳои кушода
