Дар се соли охир дар Ҷопон тақрибан 50 нафар истироҳаткунандагон дар соҳилҳо мавриди ҳамлаи дельфинҳо қарор гирифтанд. Танҳо аз миенаи моҳи июл 16 нафар дар натиҷаи чунин ҳамлаҳо захмӣ шуданд. Дар ин бора рӯзи сешанбе, 20 август рӯзномаи The New York Times хабар дод.
Мақомоти маҳаллӣ аз афзоиши ҳамлаҳои дельфинҳо ба одамон нигарон ҳастанд. Ҳафтаи гузашта дар префектураи фукуи ҷопон 16 нафар аз ҳамлаҳои дельфинҳо осеб диданд. Коршиносон бар ин назаранд, ки чунин фаъолияти ҳайвоноти баҳрӣ метавонад бо фаъолияти баланди ҷинсии онҳо алоқаманд бошад. Аммо, мумкин аст, ки ҳамлаҳоро як дельфини мушаххас анҷом диҳад.
Субҳи 20 август дар соҳили шаҳри Цуруга марди 50-соларо дельфин газид. Ҳайвон ба ҳарду дасташ осеб расонд. Ин ҳодиса 18-ум дар силсилаи ҳамлаҳои хатарноки дельфинҳо ба одамон буд. Гвардияи соҳилӣ истироҳаткунандагонро даъват мекунад, ки ҳангоми дидани дельфин фавран аз об берун шаванд.
Акс: аз манбаъҳои кушода
