Дар Чин як қатор ширкатҳои марбут ба хадамоти кашфи хориҷӣ дар қаламрави кишвар барои ҷамъоварии маълумоти махфӣ манораҳои анемометриро насб карданд. Дар ин бора телевизиони Марказии Чин (CCTV) рӯзи 18 август бо истинод ба Вазорати амнияти давлатии ЧИН хабар дод.
Тибқи маълумоти мақомоти амнияти давлатии Чин, дар солҳои охир кормандони ин ширкатҳо пинҳонӣ ба қаламрави иншооти махфӣ ворид шуда, бо ниқоби сохтани манораҳо барои чен кардани суръат ва самти шамол маълумоти махфиро ғайриқонунӣ ҷамъоварӣ мекарданд. Сипас онҳо онро ба хориҷа интиқол дода, ба амнияти миллӣ таҳдид карданд.
Яке аз манораҳои шубҳаноки анемометриро сокинони шаҳри соҳилӣ кашф карданд. Хадамоти амнияти миллии чин онро тафтиш кард ва фаҳмид, ки манора на танҳо маълумоти метеорологиро ҷамъоварӣ карда метавонад. Дар натиҷаи санҷиш муайян карда шуд, ки манора бақайдгирии ҳуқуқӣ надорад ва онро аз байн бурданд.
Акс: аз манбаъҳои кушода
