Дар доираи ҳамкории дуҷониба байни Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва агентии Туркия оид ба ҳамкорӣ ва ҳамоҳангсозӣ 16 номгӯи воситаҳои техникии барои гузаронидани корҳои ғаввосӣ пешбинишуда дода шуд.
Ин воситаҳои техникӣ, ки барои корҳои ғаввосии чуқур пешбинӣ шудаанд, кори кӯмак ба аҳолии зарардидаро ба таври назаррас беҳтар мекунанд.
Раиси Кумита Рустам Назарзода, Сафири Фавқулодда ва Ваколатдори Ҷумҳурии Туркия дар Ҷумҳурии Тоҷикистон Умут Аҷар ва Ҳамоҳангсози агентии Туркия оид ба ҳамкорӣ ва ҳамоҳангсозӣ дар Тоҷикистон Этхем Унал омодагии худро барои ҳамкории минбаъда изҳор намуданд.
АМИТ «Ховар» бо истинод ба маркази матбуоти Кумита хабар медиҳад.
Акс: Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон
