Бонки осиеии рушд барои беҳтар намудани хизматрасониҳои ҳифзи саломатии модарону кӯдакон дар се ноҳияи Тоҷикистон: Айнӣ, Данғара Ва Дарвоз 30 миллион доллар грант ҷудо намуд.
Дар доираи лоиҳа сохтмони таваллудхона барои 40 ҷойи хоб дар Айнӣ, таваллудхона барои 80 ҷойи Хоб дар Данғара ва беморхонаи марказии ноҳия барои 100 ҷойи хоб дар Дарвоз ба нақша гирифта шудааст. Ҳамаи муассисаҳои тиббӣ бо назардошти шароити иқлимӣ муҷаҳҳаз карда мешаванд: дар онҳо системаҳои гармидиҳӣ ва хунуккунии каммасраф насб карда мешаванд. Барои самаранок идора кардани таҷҳизоти тиббӣ системаи рақамии Open MEDIS ҷорӣ карда мешавад ва кормандон истифодаи онро таълим медиҳанд.
Лоиҳа инчунин ба баланд бардоштани сатҳи дониш дар соҳаи ҳифзи саломатии модар ва кӯдак, инчунин дастгирии корҳои иттилоотӣ ва маърифатӣ дар байни аҳолӣ барои ҳавасманд кардани дархостҳо барои кӯмаки тиббии баландихтисос равона шудааст.
Ин лоиҳа гранти кунунии бонки осиеии рушдро ба маблаги 32 миллион доллари ИМА, ки соли 2018 барои лоиҳаи «кӯмаки Ҳамгирошуда ба модарон ва кӯдакон» тасдиқ шудааст, пурра мекунад. Ин лоиҳа ба ҳукумати Тоҷикистон дар беҳтар намудани хизматрасониҳои тиббӣ дар ноҳияҳои Файзобод, Рашт ва Шамсиддин Шоҳин кӯмак мерасонад.
АМИТ Ховар бо истинод ба Кумитаи давлатии сармоягузорӣ ва идораи амволи давлатии ҶТ хабар медиҳад.
Акс: аз манбаъҳои кушода
