Аз 14 то 16 август дар Душанбе форуми Ҷавонони Тоҷикистон ва Қазоқистон баргузор мешавад. Онро Кумитаи кор бо ҷавонон ва варзиши назди Ҳукумати Ҷумҳурии Тоҷикистон ташкил менамояд.
Форум барои таҳкими ҳамкорӣ ва табодули афкор ва таҷриба байни фаъолони ҷавони ду кишвар пешбинӣ шудааст. Он инчунин масъалаҳои асосии сиесати ҷавононро муҳокима хоҳад кард.
Ҳадафҳои асосии форум рушди ҳамкорӣ байни созмонҳои ҷавонони Тоҷикистон ва Қазоқистон, беҳтар намудани сиесати ҷавонон ва таҳияи стратегияҳои муштарак барои ҳалли мушкилоти мубрами ҷавонони ҳарду кишвар мебошад. Ғайр аз он, форум платформаи мубодилаи таҷриба ва татбиқи лоиҳаҳои муштаракро фароҳам меорад.
Дар ин бора АМИТ «Ховар» хабар дод.
Акс: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
