Вазири тандурустӣ ва ҳифзи иҷтимоии аҳолии Тоҷикистон Ҷамолиддин Абдуллозода бо ҳайати мутахассисони соҳаи тиб аз Ҷумҳурии Мардумии Чин мулоқот кард. Дар ин бора хадамоти матбуоти идора хабар медиҳад.
Зимни мулоқот вазир қайд кард, ки ҳамкории Тоҷикистон ва Чин дар соҳаи тандурустӣ самарабахш аст. Вай таъкид кард, ки дар Тоҷикистон гиеҳҳои шифобахш зиеданд ва ҳукумати мамлакат ба коркард ва рушди саноати дорусозӣ диққати махсус медиҳад.
Ҷонибҳо имкониятҳои густариши ҳамкорӣ дар соҳаи тибби халқӣ ва рушди саноати дорусозиро баррасӣ карданд. Ҳамчунин мавзӯи такмили ихтисоси табибони тоҷик дар Чин мавриди баррасӣ қарор гирифт. Дар охири мулоқот масъалаҳои дигари мавриди таваҷҷӯҳи тарафайн низ баррасӣ шуданд.
Дар ин бора АМИТ «Ховар» хабар дод.
Акс: аз манбаъҳои кушода
