9 августи соли 2024 дар шаҳри Остона Вазири корҳои хориҷии Ҷумҳурии Тоҷикистон Сироҷиддин Муҳриддин дар Маҷлиси вазирони корҳои хориҷии Давлатҳои Осиеи Марказӣ иштирок намуд.
Дар мулоқот роҳбарони идораҳои сиесати хориҷии кишварҳо масъалаҳои фаъолгардонии робитаҳои сиесӣ, рушд ва густариши ҳамкориҳоро дар соҳаҳои гуногун, аз ҷумла тиҷорату иқтисод, нақлиет ва коммуникатсия бо таваҷҷӯҳ ба иқтисодиети аз ҷиҳати экологӣ нигаронидашуда, инчунин дар соҳаи робитаҳои фарҳангӣ ва гуманитарӣ баррасӣ намуданд.
Вазирон инчунин дар бораи рӯзномаи байналмилалӣ ва минтақавӣ мубодилаи муфассал карданд.
Дар натиҷаи мулоқот лоиҳаҳои рӯзнома ва рӯйхати ҳуҷҷатҳои ҷамъбастии мулоқоти навбатии Машваратии сарони Давлатҳои Осиеи Марказӣ мувофиқа карда шуданд.
Дар ин бора Вазорати корҳои хориҷии Ҷумҳурии Тоҷикистон хабар дод.
Акс: ВКД ҶТ
