Президенти Эрон Масъуд Пезешкиан ваъда дод, ки онҳое, ки раиси ситоди сиесии ҳаракати фаластинии ҲАМАС Исмоили Ҳанияро куштанд, аз кирдори худ пушаймон хоҳанд шуд.
«Ҷумҳурии исломии Эрон тамомияти арзии Худ ва шарафи худро ҳимоя хоҳад кард. Мо террористони ишғолгарро аз амалҳои тарсончаконаи худ пушаймон хоҳем кард», – вай 31 июл дар шабакаи иҷтимоии X (собиқ Twitter) навишт.
Пезешкиан инчунин изҳор дошт, ки пас аз ин ҳодиса робитаи байни халқҳои Эрон ва Фаластин танҳо мустаҳкамтар хоҳад шуд. Вай таъкид кард, ки дастгирии муқовимат нисбат ба пештара боз ҳам қавитар хоҳад буд.
Ҳания дар ҳамон рӯз дар Теҳрон дар натиҷаи тирпарронӣ кушта шуд. Ҳамла ба қароргоҳи раиси ситоди сиесии ҲАМАС пас аз он ки ӯ дар маросими ифтитоҳи Пезешкиан иштирок кард, сурат гирифт. ҲАМАС марги Ҳанияро тасдиқ кард ва гуфт, ки у дар натиҷаи «ҳамлаи хиенаткоронаи саҳюнистӣ» кушта шудааст.
Акс: аз манбаъҳои кушода
