27 июл дар Москва маросими тантанавии супоридани дипломҳо ба хатмкунандагони Академияи идораи Вазорати корҳои дохилии Федератсияи Русия баргузор шуд.
Дар чорабинии ташкилнамудаи Вазорати корҳои дохилии Ҷумҳурии Тоҷикистон Файзалӣ Шарифзода, ки ваколатдори Бюрои ҳамоҳангсозии мубориза бо ҷинояткории муташаккил ва дигар намудҳои ҷиноятҳои хатарнок дар қаламрави давлатҳои аъзои Иттиҳоди Давлатҳои Мустақил мебошад, иштирок намуд.
Таҳсилро дар академия 117 донишҷӯ ва 40 адъюнкти факултети тайер кардани кадрҳои илмӣ ва илмӣ-педагогӣ бомуваффақият ба анҷом расониданд. Дар байни хатмкунандагон намояндагони мақомоти ҳифзи ҳуқуқ аз кишварҳои гуногун, аз ҷумла 13 корманди Вазорати корҳои дохилии Ҷумҳурии Тоҷикистон буданд.
АМИТ «Ховар« бо истинод ба Вазорати корҳои дохилии Тоҷикистон хабар медиҳад.
Акс: аз манбаъҳои кушода
