Дар варзишгоҳи «20-солагии Истиқлолият», ки дар шаҳри Хуҷанд ҷойгир аст, корҳо оид ба насби прожекторҳо оғоз ефт. Қарор аст, ки онҳо то таҷлили Рӯзи истиқлолияти Ҷумҳурии Тоҷикистон ба анҷом расанд.
Дар доираи дастуру супоришҳои Президенти Федератсияи футболи Тоҷикистон, муҳтарам Рустами Эмомалӣ, варзишгоҳи «20-солагии Истиқлолият» дар Хуҷанд бо таҷҳизоти зарурии равшанӣ муҷаҳҳаз карда мешавад.
Барои таъмини равшанӣ додани стадион барои баргузории мусобиқаҳои футбол дар вақти шабона чораҳои муҳим андешида шуданд. Барои ин прожекторҳо ва асбобҳои равшанӣ харидорӣ карда шуданд.
Раиси Вилояти Суғд Раҷаббой Аҳмадзода барои шиносоӣ бо раванди насби таҷҳизот ба варзишгоҳ ташриф овард. Вай аҳамияти татбиқи босифат ва саривақтии лоиҳаро таъкид кард.
Дар ин бора АМИТ «Ховар» бо истинод ба Хадамоти матбуоти раиси вилояти Суғд хабар медиҳад.
Акс: аз манбаъҳои кушода
