21 июли соли 2024 Дар Ҷидда мулоқоти Сафири Ҷумҳурии Тоҷикистон дар Шоҳигарии Арабистони Саудӣ Акрама Каримӣ бо Раиси корпоратсияи байналмилалии исломии маблағгузории тиҷоратӣ (ITFC) ва раиси Корпоратсияи Исломии рушди бахши хусусӣ (ICD) Ҳани Салем Сонбол баргузор шуд.
Дар мулоқот масъалаҳои ҳамкории Тоҷикистон бо корпоратсияҳои дар боло зикршуда, ки ниҳодҳои гурӯҳи бонки Исломии рушд оид ба масъалаҳои ҳамкорӣ бо бахши хусусӣ мебошанд, баррасӣ шуданд.
Дар ин бора Вазорати корҳои хориҷии Ҷумҳурии Тоҷикистон хабар дод.
Акс: ВКД ҶТ
