Вазири саноат Ва технологияҳои нави Тоҷикистон Шералӣ Кабир бо раиси Вазорати Саноати Русия Антон Алихонов мулоқот кард. Мулоқот дар майдонҳои намоишгоҳи саноатии «Иннопром» дар Екатеринбург баргузор шуд.
Дар натиҷаи гуфтушунидҳо вазирон ба мувофиқа расиданд, ки кооперасияи саноатӣ ва логистикаро байни кишварҳо рушд диҳанд.
Тавре Вазорати Саноати Тоҷикистон хабар дод, ҷонибҳо дурнамои барқарор намудани робитаҳои саноатӣ ва бунеди занҷирҳои нави истеҳсолиро баррасӣ карданд. Ин барои рушди иқтисодӣ ва беҳтар кардани зиндагии мардум муҳим аст. Ба масъалаҳои кооперасияи саноатӣ ва лоиҳаҳои муштарак дар соҳаҳои гуногун, ба монанди саноати кӯҳӣ ва бофандагӣ диққати махсус дода шуд.
Вазирон инчунин аҳамияти рушди маркази нақлиетӣ-логистикиро қайд карданд. Ин имкон медиҳад, ки шароити савдо ва мубодилаи маҳсулот байни кишварҳо беҳтар карда шавад.
Ҳарду ҷониб омодагии худро барои идомаи ҳамкорӣ ва татбиқи ташаббусҳои нав, ки ба таҳкими робитаҳои иқтисодӣ равона шудаанд, изҳор доштанд.
ТАСС хабар медихад.
Акс: ВКД ҶТ
