5 июл дар майдони Қасри миллат маросими мулоқоти Раиси Ҷумҳурии Мардумии Чин Си Ҷинпин баргузор шуд. Майдон бо ороиши ҷашнӣ оро дода шуда буд.
Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон меҳмони баландпояро самимона пешвоз гирифта, ба подиуми фахрӣ даъват намуданд.
Маросими мулоқот бо рапорти фармондеҳи посбонии Фахрӣ, иҷрои сурудҳои давлатии ду кишвар оғоз ефт. Сипас сарони давлатҳо дар назди посбонии Фахрӣ гузаштанд. Меҳмони баландпоя ба парчами Давлатии Тоҷикистон эҳтиром гузошт. Пас аз ин ҳайатҳои расмии ҳарду ҷониб бо ҳам шинос шуданд. Маросим бо марши тантанавии ҷузъу томҳои посбонии Фахрӣ дар назди сарони ду давлат ба анҷом расид.
Мувофиқи анъанаҳои маросимҳои ташрифҳои давлатӣ, ба ифтихори Раиси Ҷумҳурии Мардумии Чин 21 зарбаи тӯпҳо дода шуд.
Дар ин бора ба АМИТ «Ховар» хабар медидад.
Акс: АМИТ «Ховар»
