28 июни соли 2024 дар Сафорати Ҷумҳурии Тоҷикистон дар Ҷумҳурии Қазоқистон маҷлиси тантанавӣ бахшида ба рӯзи ваҳдати миллӣ баргузор гардид.
Дар чорабинӣ муовинони вазирони корҳои хориҷии Тоҷикистон ва Қазоқистон С.Имоми ва Е. Коннуспаев, роҳбарони идораҳо ва кормандони масъули вазорати корҳои хориҷии ҳарду ҷониб, муовини ректори Академияи хизмати давлатии назди Президенти Ҷумхурии Тоҷикистон У. Бекиш, омӯзгорони ин академия, донишҷӯени тоҷики донишгоҳҳои олии қазоқистон ва намояндагони диаспораи тоҷик дар Қазоқистон иштирок карданд.
Сафири Ҷумҳурии Тоҷикистон дар Қазоқистон Х. Ибодзода ҳамаи ҳозиринро бо рӯзи ваҳдати миллӣ табрик гуфта, нақши муҳиму таърихии Пешвои миллат, Президенти Ҷумҳурии Тоҷикистон Муҳтарам Эмомалӣ Раҳмонро дар ташаккули давлатдории миллӣ, раванди барқарорсозии сулҳу ваҳдати миллӣ, инчунин таъмини соҳибихтиерии Тоҷикистон қайд намуд.
Дар доираи чорабинӣ дастархони тоҷик ташкил карда шуд, консерт баргузор шуд, намунаҳои либосҳои анъанавии тоҷик, асбобҳои мусиқӣ ва маҳсулоти ҳунарҳои мардумӣ пешниҳод карда шуданд.
Сообщает МИД РТ
Акс: ВКД ҶТ
