28 июни соли 2024 Муовини вазири корҳои хориҷии Ҷумҳурии Тоҷикистон Фаррух Шарифзод бо раиси гурӯҳи Дӯстии Байнипарлумонии Тоҷикистон ва Арабистони Саудӣ доктор Муҳаммад Бен Абдулазиз Ал-Ҷарба мулоқот кард.
Дар мулоқот ҷонибҳо қайд карданд, ки дар тӯли сӣ соли муносибатҳои дипломатӣ байни кишварҳо муваффақиятҳои бузург ба даст оварда шуданд. Онҳо нақши робитаҳои байнипарлумонӣ ва саҳми гурӯҳи Дӯстии Байнипарлумониро дар рушди муносибатҳои дуҷониба баланд арзебӣ карданд.
Ҳамчунин масъалаҳои ҳамкорӣ дар доираи ин гурӯҳ, табодули сафарҳо ва таҷриба, инчунин мусоидат ба рушди минбаъдаи муносибатҳои байни ду давлат баррасӣ шуданд.
Дар ин бора аз Вазорати корҳои хориҷии Ҷумҳурии Тоҷикистон хабар доданд.
Акс: ВКД ҶТ
