Музоядаи Christie’s ният дорад, ки барои номаи соли 1939 навиштаи Алберт Эйнштейн то 4 миллион доллар талаб кунад. Ин санад ба Президенти ИМА Франклин Рузвелт, ки дар он огоҳӣ дар бораи таҳқиқоти ҳастаии Олмони фашистӣ мавҷуд буд, ирсол карда шуд. Дар ин бора рӯзномаи The Wall Street Journal рӯзи 25 июн хабар дод.
Дар нома физики машҳур хоҳиш кард, ки пеш аз он ки фашистон «бомбаҳои бениҳоят пурқувват» эҷод кунанд, ба таҳқиқоти энержии атомӣ сармоягузорӣ кунанд. Дар натиҷаи ин муроҷиат Рузвелт кумитаеро таъсис дод, ки пешгузаштаи лоиҳаи Манхэттен буд.
Дар айни замон, нусхаи аслии номаи Алберт Эйнштейн дар китобхона-музейи президентӣ дар Гайд парк дар Ню-Йорк нигоҳ дошта мешавад. аммо, физик инчунин версияи дуюм ва кӯтоҳтареро, ки ҳамкораш Лео Силард ҳифз кардааст, навишт ва имзо кард. Маҳз барои ин вариант дар моҳи сентябри соли ҷорӣ, музоядаи Christie’s на камтар аз 4 миллион доллар талаб мекунад.
Пештар ин санад ба хаммуассиси корпорасияи Microsoft Пол Аллен тааллуқ дошт, ки онро соли 2002 бо нархи бесобиқаи 2,1 миллион доллар харидорӣ кардааст. Номаи Эйнштейнро ворисони Аллен, ки соли 2018 вафот кардааст, мефурӯшанд.
Акс: аз манбаъҳои кушода
