Президенти Тоҷикистон Эмомалӣ Раҳмон ба Президенти Русия Владимир Путин дар робита ба ҳодисаҳои фоҷиабори Махачкала ва Дербент телеграммаи тасаллият фиристод. Дар телеграмма ба хешовандон ва наздикони кушташудагон, инчунин ба тамоми мардуми русия изҳори ҳамдардӣ карда мешавад.
Эмомалӣ Раҳмон қайд кард, ки Тоҷикистон, ки беш аз 30 сол боз бо ҳама зуҳуроти терроризм мубориза мебарад, ин амали ғайриинсонии зӯровариро қатъиян маҳкум мекунад. Президент таъкид кард, ки Тоҷикистон ҷонибдори ҳамкории фаъол дар мубориза бо терроризм ҳам дар заминаи дуҷониба ва ҳам дар чаҳорчӯби сохторҳои байналмилаливу минтақавӣ мебошад.
Раҳбари тоҷикистон ҳамчунин омодагии Тоҷикистонро барои ҳамкорӣ бо Русия дар мубориза бо терроризм эълон кард.
Акс: аз архив
