21 июни соли 2024 дар Алмаато ҷаласаи Шӯрои вазирони корҳои хориҷии кишварҳои иштирокчии Созмони Шартномаи амнияти дастаҷамъӣ баргузор шуд. Дар доираи ин чорабинӣ вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири корҳои хориҷии Федератсияи Россия Сергей Лавров мулоқот кард.
Зимни мулоқот вазирон масъалаҳои мубрами ҳамкории Тоҷикистону Русияро дар соҳаҳои гуногун, инчунин ҳамкории ду кишварро дар доираи созмонҳои байналмилалӣ баррасӣ намуданд. Ба масъалаҳои ҳамкории дуҷониба дар соҳаи муҳоҷират диққати махсус дода шуд.
Мулоқот дар фазои муколамаи созанда баргузор шуд.
Дар ин бора аз Вазорати корҳои хориҷии Ҷумҳурии Тоҷикистон хабар доданд.
Акс: аз манбаъҳои кушода
