Маъмурияти вилояти Свердловски Федератсияи Русия ҳамкориҳоро бо минтақаҳои Тоҷикистон фаъолона инкишоф медиҳад. Дар ин бора муовини аввали раиси вилоят Алексей Шмиков дар ҷаласаи Шӯрои соҳибкорони Русияву Тоҷикистон изҳори назар кард.
Ба гуфтаи Шмыков, ҳоло самтҳои мухталифи корҳои муштарак, аз ҷумла навсозии иншооти гидротехникӣ, рушди зерсохтор, коркарди маъданҳо ва таъсиси корхонаҳои муштарак омӯхта мешаванд. Дар соли 2023 бо маъмуриятҳои вилояти Суғд ва Вилояти Мухтори Кӯҳистони Бадахшони Тоҷикистон созишномаҳо ба имзо расида, самтҳои ояндадори ҳамкориҳои минбаъдаро муайян карданд.
Ҳамкориҳои вилояти Свердловск ва Тоҷикистон тарҳҳоро дар бахшҳои энержӣ, истихроҷи маъдан, кишоварзӣ, илму маориф дар бар мегирад. Корхонаҳои вилоят дар сохтмони нерӯгоҳи барқи обии Роғун ва таҷдиди иншооти энергетикии Тоҷикистон, лоиҳаҳои истихроҷи маъдан ва мелиоративӣ иштирок доранд.
Гайр аз ин, дар вилояти Свердловск ба махсулоти хочагии кишлоки Точикистон талабот калон аст. Моҳи марти соли 2024 бо дастгирии ҳукумати вилоят ва Консулгарии генералии Федератсияи Русия дар Тоҷикистон мағозаи «Тоҷбазор» ба истифода дода шуд, ки дар он иловаҳои чой ва меваҳои хушк аз Тоҷикистон пешкаш карда мешаванд.
Мақомоти вилоят низ кори худро дар соҳаҳои сайёҳӣ, илму маориф пурзӯр мекунанд.
Акс: аз манбаъҳои кушода
