Дар доираи барномаи «Солҳои рушди саноат» дар шаҳри Бӯстон сохтмони корхонаҳои нави саноатӣ идома дорад. Қарор аст, имсол корхонаи тавлиди кислород ва масолеҳи сохтмонӣ бо номи «Ваҳдати Бӯстон» мавриди баҳрабардорӣ қарор бигирад.
Корхонаи мазкурро соҳибкорон Ҷамшед Дадоматов ва Саидкамол Саидаҳмад сохта ба истифода доданд. Баъди ба кор даромадани корхона 30 нафар сокинони маҳаллӣ бо ҷойи кор таъмин хоҳанд шуд. Махсулоти комбинат ивазкунандаи импорт хохад шуд.
Илова бар ин, соҳибкорони дигар дар Бӯстон корхонаи коркарди мурғ бунёд мекунанд, ки минбаъд ба хориҷи кишвар содир карда мешавад. Заводро ширкати «Фаровон» сохта истодааст. Баъди ба истифода додани он 100 нафар бо кор таъмин мешаванд.
Дар ин бора АМИТ «Ховар» бо такя ба дафтари матбуоти раиси вилояти Суғд хабар медиҳад.
Акс: аз манбаъҳои кушода
