Чемпионати Осиё оид ба гуштии кураш рӯзи 10 июн дар Теҳрон ба поён расид. Дастаи Тоҷикистон панҷ медал ба даст овард.
Дар чемпионат 200 нафар варзишгарон аз 20 кишвари ҷаҳон ширкат доштанд. Тоҷикистонро дар ин мусобиқа паҳлавонони пуртаҷриба намояндагӣ карданд, ки натиҷаи аъло нишон доданд.
Паҳлавони маъруфи тоҷик Шакармамад Мирмамадов дар вазни +100 кг медали тилло гирифт. Медали нуқраро Мирзоҷамил Рамазонов, ки дар вазни то 73 кило рақобат кард, ба даст овард. Медалҳои биринҷӣ насиби Раҳматуллобек Фарҳодов (вазни то 81 кг), Умар Расулов (вазни то 90 кг) ва Фирдавс Насимов (вазни то 100 кг) гардиданд.
Дар сабқати дастаӣ мунтахаби Тоҷикистон аз дастаҳои Узбакистон ва Эрон шикаст хӯрда, мақоми севумро касб кард. Узбакистон соҳиби панҷ медали тилло, як нуқра ва як биринҷӣ гардид. Дастаи Эрон як медали тилло, панҷ нуқра ва як биринҷӣ гирифт.
АМИТ «Ховар»- ро бо истинод ба Кумитай кор бо ҷ авонон ва варзиши назди Ҳукумат ҶТ хабар медид.
Акс: АМИТ «Ховар»
