Ҷумҳурии Тоҷикистон тарҳеро бо номи «Боғи зардолуи дӯстӣ»-ро дар қаламрави Ҷумҳурии Озарбойҷон ба нақша гирифтааст. Дар ин бора дар мулоқоти вазирони кишоварзии ду кишвар, ки рӯзи 11 июн баргузор шуд, маълум шуд.
Дар чаҳорчӯби Конфронси сеюми байналмилалӣ оид ба Даҳсолаи байналмилалии амал «Об барои рушди устувор, солҳои 2018-2028» Қурбон Ҳакимзода, вазири кишоварзии Тоҷикистон ва Маҷнун Мамедов, ҳамтои озарбойҷонии ӯ дурнамои ҳамкориҳо дар соҳаи кишоварзиро баррасӣ карданд.
Дар ин нишаст ҳамчунин аз тарҳҳои Озарбойҷон барои бунёди «Боғи анори дӯстӣ» дар Тоҷикистон хабар дода шуд. Ҷонибҳо дар бораи табодули таҷриба дар соҳаҳои гуногун, аз ҷумла рақамисозӣ, навъбандии зироатҳо, тухмии ғалладона ба хушксолӣ, токпарварӣ, чорводорӣ ва омӯзиш дар соҳаи кишоварзӣ ба мувофиқа расиданд.
Зимнан зикр гардид, ки ҳамкориҳои Тоҷикистону Озарбойҷон дар соҳаи кишоварзӣ аллакай ба роҳ монда шуда, ҷонибҳо омодагии худро барои таҳкими минбаъдаи шарикӣ изҳор намуданд. Ҳамчунин, “Харитаи роҳи ҳамкорӣ барои солҳои 2023-2024”-ро мавриди баррасӣ қарор дода, ба мувофиқа расиданд, ки барои афзоиши иқтидори содиротӣ дар бахши кишоварзӣ аз тамоми имкониятҳо истифода кунанд.
Дар ин бора ба АМИТ «Ховар» хабар медидад.
Акс: аз манбаъҳои кушода
