Рӯзи чаҳоршанбе дар Тошканд ҷаласаи 19-уми Анҷумани Созмони ҳамкории Шанхай (СҲШ) баргузор мешавад. Он аз ҷониби Институти тадқиқоти стратегӣ ва байниминтақавӣ дар назди Президенти Ҷумҳурии Ӯзбекистон гузаронида мешавад.
Мавзӯи форум — «Нақши СҲШ дар шароити нав: муттаҳидсозии саъйҳо дар роҳи амнияти умумибашарӣ, субот ва шукуфоӣ» мебошад.
Дар назар аст, ки дар ин ҳамоиш беш аз 40 коршинос аз 10 кишвари ҷаҳон ширкат кунанд. Дар байни онҳо намояндагони марказҳои миллии таҳқиқотии кишварҳои узви СҲШ, кишварҳои нозир ва шарикони муколамаи СҲШ ширкат хоҳанд кард. Дар ин ҳамоиш ҳамчунин раҳбарияти Котиботи СҲШ ва Кумитаи иҷроияи Сохтори минтақавии зиддитеррористӣ ширкат хоҳанд кард.
Ба рузнома се сессияи асосй дохил мешавад. Онҳо самтҳои афзалиятноки ҳамкорӣ дар доираи СҲШ, баланд бардоштани самаранокии ин созмон дар марҳилаи кунунии рушд ва дурнамои минбаъдаи беҳбуди фаъолияти онро баррасӣ хоҳанд кард.
Пас аз ҷамъбасти ҳамоиш ширкаткунандагон нақша доранд, ки Протоколи ҷаласаро имзо кунанд, ки дар он мавқеъ ва назари кишварҳои узви СҲШ оид ба масъалаҳои баррасишуда дар ин чорабинӣ инъикос хоҳад ёфт.
Дар ин бора АМИТ «Ховар» бо истинод ба хабаргузории «Дунё» хабар дод.
Акс: аз манбаъҳои кушода
