Рустами Эмомалӣ, раиси палатаи болоии порлумони Тоҷикистон, зимни суханронӣ дар ҷаласаи Ассамблеяи порлумонии СПАД дар Алмаато гуфт, хатари вуруди идеологияи радикалӣ аз қаламрави Афғонистон ба кишварҳои СПАД афзоиш меёбад.
Вай таъкид кард, ки теъдоди мадрасаҳои нав дар қаламрави Афғонистон афзоиш ёфтааст. Ин марказҳо аз ҷумла бомбгузорони интиҳории ҷиҳодӣ тарбия мекунанд. Ба гуфтаи Эмомалӣ, дар ин мадрасаҳо аллакай ҷангҷӯён таълим мегиранд. Вай таъкид кард, ки вазъ дар Афғонистон печида аст ва ҳеҷ пешрафти воқеъӣ мушоҳида намешавад.
«Афғонистон боз ба макони терроризм табдил ёфт», — Эмомалӣ гуфт. Ба гуфтаи ӯ, дар қаламрави ин кишвар даҳҳо гурӯҳи ифротгаро ва террористӣ мавқеъҳои худро таҳким бахшида, ҳаҷми кишт ва истеҳсоли ғайриқонунии маводи мухаддири афғонӣ афзоиш меёбад.
Эмомалӣ қайд кард, ки дар ин замина қабули барномаи мақсадноки байнидавлатии СПАД барои таҳкими марзи Тоҷикистону Афғонистон саривақтист.
ТАСС хабар медихад.
Акс: аз манбаъҳои кушода
