Дар чаҳоруним моҳи соли ҷорӣ шаҳрвандони Чин бештарин раводиди электрониро ба Русия дарёфт кардаанд. Немисхо чои дуюмро гирифтанд. Дар ин бора рӯзи 28 май сардори департаменти консулии Вазорати корҳои хориҷии Русия Алексей Климов изҳор дошт.
Вай гуфт, ки аз аввали сол то нимаи моҳи май ҳудуди 178 ҳазор раводиди ягонаи электронӣ содир шудааст. Беш аз нисфи онҳоро (92 ҳазор нафар) шаҳрвандони Чин, баъдан Олмон (14 ҳазор), Туркия (13 ҳазор), Ҳиндустон (10,5 ҳазор) ва Арабистони Саудӣ (беш аз 8,5 ҳазор) қабул кардаанд.
Дар мусоҳиба бо ин оҷонсӣ дипломат ҳамчунин гуфт, Русия нақша дорад, рӯйхати кишварҳоеро, ки шаҳрвандонашон метавонанд раводиди электрониро дастрас кунанд, густариш диҳад. Ин масъаларо Вазорати корҳои хориҷии Русия баъд аз 1 августи соли 2024 баррасӣ хоҳад кард. Аммо ӯ аз кишварҳои мушаххасе, ки метавонанд ба ин феҳрист шомил шаванд, ном набурд, зеро ин барвақт хоҳад буд.
Акс: аз манбаъҳои кушода
