Аз 22 то 25 май дар шаҳри Санкт-Петербург Анҷумани XVIII байналмилалии ВАО «Диалог культур» баргузор шуд. Дар он 329 рӯзноманигори ҷавон, намояндагони расонаҳои нав, аксбардорон, рассомони расонаҳо, таҳиягарон ва коргардонҳо аз Русия ва 29 кишвари Авруосиё, аз ҷумла Тоҷикистон ширкат доштанд.
Иштирокчиёни форум аз 18 то 35 сола лоиҳаҳои аслии расонаҳои фаромарзиро ба доираи васеи аудитория пешниҳод намуда, мубодилаи афкор ва таҷриба намуданд.
Грамотаҳои фахрӣ ба ҷавонони Русия, Испания, Туркия, Тоҷикистон, Фаронса, Миср, Арманистон, Аргентина ва дигар кишварҳо, ки аз ҳама ҷолибтарин асарҳо пешниҳод кардаанд, сарфароз гардонида шуданд. Дар миёни гирандагон Ирина Умарова, сармуҳаррири радиои давлатии Садои Душанбе низ буд.
Ирина Умарова тақрибан 20 сол аст, ки дар мавзӯи муносибатҳои байни миллатҳо тахассус дорад. Вай ба ҳамоиш ҳамчун сухангӯ даъват шуда, дар бораи аҳамияти эҳтиром ва дарки фарқиятҳои фарҳангӣ сухан гуфт.
АМИТ «Ховар» хабар дод.
Акс: АМИТ «Ховар»
