Дафтари матбуоти артиши Исроил хабар дод, ки ситоди кулли нирӯҳои дифои Исроил дар робита ба марги ғайринизомиён дар шаҳри Рафаҳи навори Ғазза бар асари ҳамлаи ҳавоӣ таҳқиқи ҳодисаро оғоз кардааст.
Субҳи рӯзи душанбе сар додситони низомии Исроил генерал-майор Йифат Томер Ерушалмӣ эълон кард, ки Исроил ин ҳодисаро таҳқиқи комил хоҳад кард.
Дар паёме, ки дар шабакаи Телеграми IDF нашр шуд, гуфта мешавад: «Аппарати Ҷустуҷӯи далелҳои ситоди кулл ҳамлаи рӯзи якшанбе дар Рафаҳро таҳқиқ хоҳад кард.»
Гуфта мешавад, ки ин тафтишот аз номи Ерушалмӣ анҷом мешавад. Таъкид мешавад, ки ин воҳиди Ситоди кулли Исроил як ниҳоди мустақилест, ки барои омӯзиши ҳодисаҳои истисноие, ки дар ҷараёни амалиёти ҷангӣ рух додааст, масъул аст.
ЦАХАЛ инчунин аз хисороти ба ғайринизомиёне, ки дар ҷанг ширкат накардаанд, изҳори таассуф кардааст.
Акс: аз манбаъҳои кушода
