Музокироти Тоҷикистону Озарбойҷон дар сатҳи олӣ аз мулоқоти сарони давлатҳо – Эмомалӣ Раҳмон ва Илҳом Алиеви мӯҳтарам дар як мулоқот оғоз шуд. Баъд гуфтушунид бо иштироки хайатхои вакилони расмии хар ду мамлакат давом кард.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон ба Президенти Ҷумҳурии Озарбойҷон, муҳтарам Илҳом Алиев барои даъват ва истиқболи самимӣ изҳори сипос намуд.
«Озарбойчон дуст ва шарики вафодори Точикистон аст», — таъкид кард Сарвари давлатамон муҳтарам Эмомалӣ Раҳмон дар оғози мулоқот.
Зимни музокирот ҷонибҳо вазъи кунунӣ ва дурнамои рушди муносибатҳои ду кишварро дар бахшҳои сиёсӣ, парлумонӣ, тиҷоративу иқтисодӣ ва фарҳангӣ ва гуманитарӣ баррасӣ карданд. Таъкид гардид, ки истифодаи пурсамари иқтидори Комиссияи муштараки байниҳукуматӣ оид ба ҳамкориҳои тиҷоратию иқтисодӣ як қадами муҳим барои ноил шудан ба ҳадафҳо дар соҳаи рушди тиҷоратию иқтисодӣ мебошад.
Ҷонибҳо ҳамчунин ба рушди ҳамкорӣ дар соҳаҳои саноат, энергетика, кишоварзӣ ва ташкили истеҳсолоти муштараки саноатӣ, инчунин корхонаҳои коркарди маҳсулоти кишоварзӣ ҳавасмандӣ зоҳир намуданд.
Аҳамияти рушди ҳамкориҳо дар соҳаи нақлиёти ҳавоӣ, нақлиёту коммуникатсия, ҳамлу нақли бор ва истифодаи бандари баҳрии Боку таъкид шуд.
Дар ин бора ба АМИТ «Ховар» хабар медидад.
Акс: аз манбаъҳои кушода
