Рӯзи шанбеи 25 май дар Тоҷикистон Рӯзи ҷаҳонии футбол таҷлил мешавад. Бахшида ба ин ҳодиса дар саросари кишвар чорабиниҳо баргузор мешаванд.
Баргузории ҷашнвораҳои футболи идона дар дувоздаҳ шаҳру вилояти Тоҷикистон: Душанбе, Хуҷанд, Данғара, Турсунзода, Ҳисор, Кӯлоб, Хоруғ, Мурғоб, Ашт, Ҷалолиддини Балхӣ, Ёвон ва Рашт дар назар аст. Дар онхо кариб 5 хазор нафар бачагон иштирок мекунанд.
Фестивали асосӣ дар Варзишгоҳи марказии ҷумҳуриявии шаҳри Душанбе баргузор мешавад. Ба он 600 нафар спортсменхои чавон чалб карда мешаванд.
Илова бар ин, дар остонаи бозиҳои лигаҳои олӣ ва аввали Тоҷикистон, ҳамчунин бозиҳои лигаи футболи занон, чорабиниҳои вижа бахшида ба Рӯзи ҷаҳонии футбол баргузор мешаванд.
Ёдовар мешавем, ки 7 май Маҷмаи Умумии СММ қатъномаеро ба тасвиб расонд, ки 25 майро Рӯзи ҷаҳонии футбол эълон кард. Ташаббускори ин тасмим Рустами Эмомалӣ, президенти Ассотсиатсияи футболи Осиёи Марказӣ (CAFA) ва раиси Федератсияи футболи Тоҷикистон буд.
Дар ин бора ба АМИТ «Ховар» бо истинод ба Федерацияи футболи Точикистон хабар медидад.
АКС: Федератсияи футболи Тоҷикистон
