20 май Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Пешвои муаззами инқилоби исломии Эрон, муҳтарам Оятуллоҳ Сайид Алии Хоманаӣ изҳори таслият карданд. . Дар телеграмм гуфта мешавад:
«Ҷаноби Олӣ,
Хабари марги фоҷиавии раисиҷумҳури Ҷумҳурии Исломии Эрон ва ҳамроҳонаш мо ва тамоми мардуми Тоҷикистонро андӯҳгин кард.
Мо ба шахсияти арбоби барҷастаи давлатӣ Сайидиброҳим Раисӣ арҷ гузошта, саҳми созандаи ӯро дар рушди ҳамаҷонибаи муносибатҳои дӯстӣ ва ҳамкориҳои мутақобилан судманди Тоҷикистону Эрон ва ҳалли мушкилоти минтақавию байналмилалӣ баҳои баланд медиҳем.
Дар робита ба ин мотам ба Шумо, Ҷаноби Олӣ, ба мардуми дӯсту бародари Эрон, аъзои хонавода ва наздикони қурбониён суханони самимии тасаллият ва изҳори тасаллият мекунам.
Аз Худованди мутаъол барои мурдагон раҳмату мағфират ва ба мардуми дӯсти Эрон сабри ҷамил хоҳонам.
Дар ин рузхои талх мо хамрохи Эрон ва мардуми онем».
Акс: аз манбаъҳои кушода
